Lemongrass (nedlagt)

Siste onsdagen i august var prega av noko ustabilt vèr, men vi våga oss ned til sentrum for å besøke ein restaurant som satsar på kreolsk mat, Lemongrass. Av ein eller annan grunn var alle unnteke MO tidleg ute, og sat og sikla over menyen då MO endeleg dukka opp berre 5 min før tida.

MO: Delikat innredning i det minste, sjølv om desse stolane var rimeleg djupe. Eg sekk heilt ned eg!
SD: Her, ta en pute. Så kommer du litt opp i det minste.
Puta hjalp, og vi sat oss godt til rette og bestilte litt snacks på deling. Snackset viste seg å vere fritert bananchips og brød, med banadip og chilidip til.

EV: Eh, dette var jo spanande.. litt kvalmande med banandip kanskje, men absolutt ei oppleving.
MO: Ja, det var litt merkeleg. Greit vi ikkje bestilte ein porsjon kvar, her er det meir enn nok til alle fire.
SD og MO bestemte seg for tunfisk med mangosalsa, EV satsa friskt på mangokylling og IV tok biff med paprika- og BBQsaus.

MO: OH MILDE HIMMEL, dette var digg!! Veldig god fisk, passe sterk salsa og god saus.
SD: Ja dette er muligens min favoritt hittil.
EV: Det var jo godt, men det vart kanskje i overkant mykje mango på meg her.. Litt søtt i lengda.
IV: Veldig mørt kjøt og god saus, eg må seie meg nøgd med dette.
MO: Det er jammen meg fullt lokale omtrent, trur det er bra vi bestilte bord.
SD: Enda mer bananchips? Tror jeg står over den..

Bortsett frå litt problemer med å få kontakt med servitørane, var det ikkje noko å seie på servicen. Dei var ganske treige med å ta kontakt, men smilande og blide fylte dei på vatn utan å spørre etc.

Karakter: M
Maten var veldig god, lokalet var fint og ryddig og det synte seg at dei har en særs triveleg bar som vi ikkje fekk tid til å besøke denne gongen. Litt betre service hadde vore stas, men maten stod absolutt til forventningane. Dette er nokre hakk betre enn forrige kreolske oppleving på Carib, for å seie det mildt?

Rundt bordet dreide debatten seg urovekkande lenge om kva slags rotfrukter vi fekk servert til middagen. Vi har enno ikkje funne ut av saka.. Debatt om politiske saker stod også på agendaen, samfunnsengasjerte damer som vi er! Og resten skal vi ikkje legge ut på nett, tenkjer eg. Dreide seg stort sett om kickoffs som kjem, menn, rosa skyer og knallmørke skyer. Stort sett mørke.

Brukeranmeldelser

Kommentarer

---