Lutlaget

I høve 20-årsjubileum for fusgur slo vi på stortromma og flotta oss på ein restaurant hakket meir opp i prisnivå enn vi normalt brukar. Og denne gong falt valet på Lutlaget. Skal alt lutast her, eller er det håp...? Ikkje alltid like enkelt å finne fram i nye bydelar når ein må stole på GPS... Men til slutt kom alle seg velberga fram og sette seg til bords, og der kom det deileg brød med godt smør - med eit dryss flaksalt - på bordet. Svoltne som vargar hogg vi innpå!

Vi gjekk for hovudrett og dessert og satsa sterkt på at det skulle gå fint. Det synte seg i etterkant at ein forrett nok hadde vore greit, porsjonane er ikkje veldig store og vi kunne nok lett fått ned litt ekstra.

Rundt bordet kom det risotto med krabbe og sitron, dagens vilt - som var hjort, og dagens fisk - kveite.
Det tok riktignok litt lang tid, trur vi nærma oss 40 minutter og vel så det, men når maten først kom vart vi særs nøgde.

Risottoen var perfekt, hjorten var så mør som det går an å bli og kveita var heilt perfekt. Hadde det vore dobbel porsjon hadde vi vore i himmelen!! Rett og slett nydeleg mat, kan vi fastslå.

Til dessert bestemte to seg for tarte tatin, medan SJ og MO delte petit four (HURRA!! DETTE BØR ALLE RESTAURANTER HA! Vi kan aldri få sagt det nok...) og ein sjokoladecremeux med creme fraiche iskrem og diverse andre godsaker. Porsjonen med tarte tatin var massiv, og den sørga for å mette magane, medan dei andre var vanleg dessertstorleik så det får vi seie oss nøgde med.

Karakter: M
Dette var god mat! Diverre var det ikkje berre berre å få kontakt med servitør etter at vi var ferdige og klare til å betale, og porsjonane er ikkje veldig mettande så dette er nok ein 3-rettars stad. Alt i alt må vi seie oss nøgde med ei god feiring med god mat, her kan ein lett gå igjen! Vi må berre få fylt opp lommeboka først...

Kommentarer

---