Mela cafe

Vi har høyrt gode ting om Mela café, og gått forbi ei rekke gongar. Denne gongen gjekk vi innom! Lokalet er definitivt meir kafé enn restaurant, så namnet passa bra. Men veldig koseleg og ein god miks av folk var innom, så vi forstår at dette er ein populær stad å vitje.

Vi gjorde det enkelt og bestilte meze med kjøt som dei skulle setje saman for oss. AH gjekk imidlertid for ein lammerett då det freista litt meir denne gongen.

Og meze kan dei! Til 330,- kr per person var dette absolutt verdt det om ein er glad i hummus og andre smårettar, vi klarte faktisk ikkje ete opp sjølv om vi gjorde ein heiderleg innsats.... på bordet fekk vi hummus, kvitlaukspita, falafel, kjøtbollar, kylling, tabbouleh, samosa med meir. Ikkje alle smårettane var like gode, til dømes vart kyllingen litt tam i høve til resten, men alt i alt kan vi lett gå tilbake og kose oss med god mat i visse om at her blir også svoltne mannfolk mette.

Karakter: M
God mat kom kjapt på bordet, hyggjelege servitørar sjølv om ho som først serverte oss nok var ganske ny i jobben - alt ordna seg på høveleg vis og vi vart gode og mette. Og særs nøgde.

Kommentarer

---