Gangnam

Etter reine kvinnefallet med fleire ute av drift, vart vi berre 3 rundt bordet denne gufne tysdagen i desember. Vi skulle prøve noko litt utanfor julebordkøyret - nemleg koreansk. Og det var lurt! Sjølv om det var folk her, så var det ikkje sprengfullt. Servitøren kom raskt på plass, og vi fekk bestilt oss dumplings til forrett som vi delte (flaks med talet 3!) så gjekk vi for bulgogi og to ulike versjonar av "koreansk fried chicken" - ein spicy variant og ein ikkje-spicy, for dei meir sarte av oss.

Maten kom fort på bordet, og innan timen hadde gått hadde vi både ete og drukke oss mette og fornøgde!
All mat var god, rett og slett. Her kan vi lett kome attende på privaten for det er meir som bør prøvast!

Karakter: M+
Lokalet er kanskje ikkje det mest lune, og beliggenheita er ikkje topp - mykje trafikk utanfor, her går det i full fart! Dette er ikkje ein stad vi berre ville ramla innom, men det er kjekt å få oppleve slike stader også. Det var verdt turen!

Kommentarer

---