Casa Matte

Fusgur er sjeldan eit syn på Frogner, men denne gongen gjekk vi for italiensk rett ved Frognerparken. Vi åt:
Oliven
Caprese med ein solid klump burrata
Pizza med kvit saus og nduja
Vegetarpizza med pesto
Ravioli med parma og gorgonzola
Tiramisu

Vi fekk bord ved vindauget, som synte seg å vere ein litt i overkant kjøleg plassering og vi burde forlangt eit bord lenger inne i lokalet. Modige var dei som sat ute i kulda og tok ein utepils, men dei hadde i det minste varmelamper tilgjengeleg - det burde vi også hatt! Fleire rundt bordet måtte gå for jakke innandørs, og det er ikkje gunstig.

Servitøren måtte fleire gongar seie frå at pizzaen med nduja var med KVIT saus, trass at MO var heilt inneforstått med saka og nett difor valde denne pizzaen. Er det så rart at nokre foretrekk kvit saus, burde dei vel ikkje ha den på menyen?

Raviolien såg liten ut i porsjonen, men den var mektig og god. Burrataen var - som svenskane ville sagt det - veldig kremig og god. Vegetarpizzaen var laga med pesto som ikkje var av billegversjonen, men faktisk med ekte pinjekjerner.

Tiramisuen var også heilt grei, men vi kan slå fast at det finst stader i Oslo som gjer denne hakket betre. Dog også fleire stader som gjer den MANGE hakk verre.

Karakter: G+
Maten var god nok, lokalet og kulda trekk nok litt ned. Servicen var også heilt grei, men det var ikkje alltid like enkelt å få kontakt - kan vere at dei på andre sida av lokalet var heldigare med den saka. Absolutt ein bra italiensk restaurant, men ikkje god nok til at vi reiser omvegar for å kome attende.

Kommentarer

---