Adriatic café

Sommaren hadde kome på besøk til hovudstaden, og vi gjekk for noko nytt for vår del - balkansk mat! Dette vart ein tur som vekte mykje minner for vårt medlem med opprinning frå Balkan, spanande. Her måtte vi lene oss kraftig på medbrakt kompetanse, og det vart bestilt både cevapi, plesavica, baklava og tulumba.

Alt vart godkjent av kompetansen, og spesielt var visst cevapien veldig god. Vi sat alle og sikla etter all børek som låg i disken, dei var svære og såg relativt saftige ut og vi registrerte at det kom mange innom som fekk med seg eit stykke av desse. Diverre hadde vi ikkje plass til meir etter dei kjøttunge måltida vi sette til livs, men neste gong blir det kanskje ein børek i neven heller enn å sette seg ned til eit betre måltid.

Lokalet er ikkje det mest innbydande, og servicen er prega av veldig kafé-standard med ei dame bak disken som skal servere alle som kjem, både gjestar ved bord og over disk og x antal foodora-bud. Det kom etter kvart inn ein mann også, som vi antar er eigaren, som gjorde eit forsøk på småprat med vekslande hell.

Alle vart mette og gode, det var nok ikkje den største kulinariske opplevinga då alt hadde same tilbehør og var litt same opplegg men her kan du i alle fall bli mett for ein ok penge.


Karakter: G
Ikkje staden for ein romantisk middag, dei har heller ikkje skjenkeløyve - noko som er heilt ok, men greit å vere klar over. Her tek du turen om du vil ha kjøt og brød.

Kommentarer

---