Crossroad Club (NEDLAGT)

Fusgur var på veg til eit noko forseinka maimøte på Crossroad Club, ein såkalla gourmetpub som kunne freiste med alskens gode ting på menyen. Menyen kjem ikkje i form av handfaste menyar, men står oppskrive på tavla bak disken.

MO: Grava hest…? Fiskesuppe med hai? Ja, det er jo spanande..

Servitøren var raskt på pletten og serverte vatn, og lot oss vente til alle var på plass før ho kom med meir info om menyen. Ho kunne anbefale hest, den var visstnok utruleg god. Vi lot oss diverre ikkje freiste, og dermed vart det sprøsteikt ribbe på Sandra, EV og SD medan MO var vill og gal og satsa på spareribs med coleslaw.

MO: Ok, det skulle vere coleslaw. Men, det vart visst tzatsiki i staden.
Sandra: Va det gott?
MO: Det var heilt ok, men dette er ikkje mat ein et på date, for å seie det sånn. Eg må bruke fingrar, dåkke får unnskulde meg!
EV: Det er greitt. Kyllingvingar og spareribs er ikkje mogleg å ete med kniv og gaffel. Den mørke øla eg vart anbefalt å drikke til, gjorde seg særs godt. Artig!

EV, SD og Sandra vart lokka ut på dessertkøyret, og endte opp med kvar si skål med rabarbrasuppe og sjokoladesorbet av noko slag.

SD: Denne var frisk og god! Rabarbra er vel ikke det som blir brukt mest lenger, men det er jo godt.


Karakter: G
Prisane er ganske stive, og ein får ikkje overvettes mykje mat, men maten som kjem er heilt ok. For ein pub å vere, er det sjølvsagt eit anna nivå enn den vanlege burger og chips-varianten, men det blir nok ikkje ein stad vi går for å ete. Øl var også dyrt der, spesielt om ein skulle ha noko anna enn den vanlege halvliteren. Sjølve lokalet er absolutt ein vinnar, så potensialet er der heilt klart. Er nok meir ein haust- og vinterpub framfor somarpub, då nordmenn likar å kunne sete ute i hopetall om sola tittar fram.


Brukeranmeldelser

Kommentarer

---