Hai Cafe

Framleis kaldt denne februardagen, vi traska med godt mot til Hai Cafe i sentrum, som hadde fått gode kritikkar og vi hadde halvvegs håp om å sjå nokre c-kjendisar. Diverre går det ikkje an å bestille bord her, og fullt er det, men det verkar som om folk et og forlet. Vi stod i 10 min og venta før det kom eit bord ledig, og opptil fleire servitørar var på plass til einkvar tid.

MO: Litt sånn kantinepreg her, men eg håpar maten er god!
Bente: Jeg bare håper jeg finner noe vegetarisk her, og aller helst uten noe nøttegreier..

Vi fekk huka tak i ein servitør for å bestille, og ho tok ikkje ansvar for at alt var utan nøtter. Det set vi faktisk pris på å høyre, i staden for at dei tek sjansen på at det går bra. Ho sa ærleg at det låg nøtter på kjøkenet, så sjølv om det ikkje var nøtter i sjølve maten, så var det liksom i rommet. Bente tok sjansen.

Fleire av oss klaska til med både forrett og hovudrett. MO gjekk for wonton-suppe til forrett, og var særs nøgd.

MO: mmm den er like god som på Oriental, men det er meir mat og hakket rimelegare.
Sandra: Jag klarar inte äta upp det här.. förr mycket!
IV satsa på innbakte scampi, og dei var enkle og gode.

Så kom hovudretten på bordet.

SD hadde bestilt hovudrettversjonen av Wontonsuppa, og det var meir enn nok mat. Bente klarte seg fint og hadde ingen tendensar til krampar eller pusteproblem, og vi var alle særs nøgde med maten.

Karakter: G
Maten var god og rimeleg, men det var eit høgt støynivå og særs ukoseleg lokale. Servitørane svinsa raskt rundt for å serve alle, og gjorde ein god jobb på det ut i frå dei forutsetningane dei hadde. Konklusjon: Dette er ein stad du går for å ete deg mett for ein rimeleg penge. Her blir du ikkje setande på romantisk middag eller for å prate med venane dine, då går du vidare ein annan stad.
Brukeranmeldelser

Kommentarer

---