South Indian

Med koronaspøkelset framleis hengande over oss, og kulda på veg, valde vi å varme oss på sørindisk i sentrum som siste møte i 2021. Lokalet var veldig lite oppe, mykje mindre enn vi såg for oss. I underetasjen har dei eit større lokale, som sikkert vert brukt til selskap etc.

Sjølv med berre 3 opptekne bord, gjekk servicen ganske treigt. Det var berre ei dame vi kunne sjå som var på jobb, og kjøkenet låg i kjellaren, ein periode lurte vi på om ho også LAGA maten då det vart ein del ventetid på å få kontakt. Menyen bar også preg av mykje overstryking, då det var mykje som ikkje var tilgjengeleg. Her burde ein berre skrive ut nokre nye A4-sider. Prisane stemte heller ikkje overeins med det vi måtte betale, så her er det på tide med ei seriøs oppdatering.

Etter ein del nøling frå MO på korvidt ho også her skulle teste dosaen, falt valet på hovudrett i staden - lam biryani. SJ gjekk for lam med spinat, SD ein klassisk masala og Bente vegetarcurry.

Alle rettane var særs gode på smak, og kjøtet var veldig mørt - alle var veldig nøgde! Desserten stod vi over, vi var gode og mette - og dessertmenyen hadde ikkje noko som freista oss, rett og slett.

Karakter: M-
Maten står til M, servicen nærmar seg NG. Kan det vere foodora som gjer at servicen går treigt? For antall personar tilstade i det vesle lokalet tilseier ikkje at det skulle vere noko problem, men vi la merke til ei rekke rosakledde folk som kom innom og henta mat. Men maten var såpass smakfull og mør at vi lett kan kome attende for å prøve andre rettar,

Kommentarer

---