The Golden Chimp

Den gyldne sjimpanse har visstnok også opna filial på den nye mathallen i Vika, men denne gongen gjekk vi rett på moderskipet på Tøyen, sentralt plassert på eit hjørne. Lokalet er litt røft, og dei hadde diverre litt i overkant skranglemusikk på høgtalarane men servitøren var på plass med ein gong, kom med vatn til alle og menyar og spurte om det som spørrast skulle. Dei anbefalte 3-4 porsjonar per person for å bli mette, men vi starta forsiktig for å smake oss fram til kva som ev. fortente å kome vidare til runde 2.

Vi bestilte kongekrabbedumplings, ertedumplings, svin- / rekegyoza og xiao long bao - alt på deling. MO hadde høyrt gode ting om kongekrabbedumplings, så allereie runde 1 vart det bestilt 2 porsjonar. Det er 4 stk. i kvar porsjon, noko som var litt problematisk for oss som denne gongen var 3 rundt bordet. Men, det løyste seg!

Vi bestilte IKKJE kimchi, men det kom på bordet likevel - servitøren sa orsak, men då fekk vi det rett og slett med på kjøpet. Det er god service! Ho kunne teke det med seg tilbake, men det er ein liten kostnad for dei og betyr myke for oss.

Kimchien var heller ikkje for sterk, og sjøl om ingen av oss er veldig fan av det, så synte det seg greit å ha nokre fermenterte bitar å tygge på likevel.

Vi bestilte ein porsjon til av gyozaen, men vi burde kanskje gått for ertedumplings også - den var overraskande god og gjekk kongekrabba ein høg gong! Kongekrabba smakte nemleg veldig smør, og vi likar smør, men det tok litt over den gode smaken som vi veit kongekrabber har å by på. Dessertmenyen hadde lite å by på for vår del, så vi hoppa galant over den.

Karakter: M-
Maten var god og kom raskt på bordet. Servitørane var oppmerksame, men kanskje litt i overkant - vi vart avbrotne midt i samtalar ikkje mindre enn 3 gongar i løpet av vårt korte besøk. Vi oppfordrar til å sjå an bordet litt før ein hiv seg inni og spør om det går bra eller liknande.

Kommentarer

---